Shri Raaghavendra Dandaka & Mangalaashtakam

हरि सर्वोत्तम । वायु जीवोत्तम | श्री गुरुभ्यो नमः

This is a transcription of the beautiful दण्डक on Raayaru based on the captivating rendition by Late Shri Raghavendracharya, who performed pooja at Shri Raaghavendra Swamy’s Moola Brindavana. Composed by Raaryaru’s dear and devoted disciple, Shri Appanacharya, it is traditionally recited at the end of Rathotsava in Mantralaya. The grand description uses long metrical lines, dense compounds with rapid flowing rhythm, and intricate Sanskrit prosody in praise of Guru Saarvabhauma recited with a befitting emotive melody, followed by Shri Appanacharya’s popular devotional octet.

(Link to CHANTING version)

श्री राघवेन्द्र दण्डकम्

सुरकुलकलितानतिश्रीरमाकान्तपदाब्जलोलम्बलीलालसच्चित्तयोगीश्वरश्रेष्ठगेयीयमान,
अतिभावोरुकीर्तिप्रभोभासुराजाण्डवास्तव्य भूलोकमध्योल्लसद्दिव्यतुङ्गभद्रानदीतीरवास,
रमालोलदास, गुणानाम् निवास, जगत्पालदास, सुविद्याविलास, बुधान्तर्निवेश, लसत्पण्डितेश,
लसच्छ्रीनिवास ॥

ज्वलद्रत्नविभ्राजमानोल्लसन्मौलिलेखऋषिगन्धर्वयक्षोरगाधीश
कोटीरसङ्घृष्टनारायणाङ्घ्रिद्वयाम्भोज भृङ्गायमानान्तरङ्गश्रिय,
राजमान, अतिसाम्राज्यभृत, मध्वमौनीन्द्रसच्छास्त्रपाथोधिचन्द्रा ॥

श्रियालक्षितेन्द्र, वचःस्रस्ततन्द्र, नमोऽस्तु क्षमेन्द्र, रसासद्बुधेन्द्र,
वरश्रीजयीन्द्रोरुहस्ताब्जसम्भूत विख्यातविद्वत्सुधीन्द्राब्धिचन्द्र, गुरो राघवेन्द्र ॥

मन्त्रालयस्थानभद्रासमाश्लिष्टतुङ्गातटे देवयात्राम् नभोवासि,
कृष्णद्वितीयायाम् गुरोर्वासरे सम्समाकल्प्य, वृन्दावनान्तः समुत्थाय,
नित्योत्सवैः, पक्ष-मासादिभक्तोत्सवैः, समुपलक्षित ॥

कुष्ठान्ध्यबाधिर्यमूकत्वपङ्गुत्वकुब्जत्ववक्रत्वनैष्पुत्र्य
वन्ध्यत्ववैरुद्ध्यमात्सर्यमत्तत्वलुब्धत्वक्रुद्धत्व
मुख्याखिलप्रौढदोषोपदोषाख्यसद्वृक्षकुञ्जाटवीदाह
दावाग्निकल्पपादारविन्दप्रभो, स्वामिराजप्रभो, राघवेन्द्रप्रभो, रामचन्द्रप्रभो ॥

एहि माम्, याहि माम्, पाहि माम्, रक्ष माम्
सर्वदा, सर्वदेशेषु, सर्वप्रकारेण, सर्वेष्टसिद्ध्यर्थम्,
अत्यन्तमाद्रेण चित्तेन सम्सेवमानम्, सदा बालबालोपमानम्,
तव श्रीपदाम्भोजदासानुदासम्, जीयाद्भवान् अस्तु मे श्रीः,
सदा नमस्ते नमस्ते वचस्ते यशस्ते शिरस्ते करस्ते नमस्ते नमः ॥

सकलभुवनभूषायमानशारदेन्दुमण्डलदेदीप्यमानमुखमण्डलमण्डितहेमगात्रम्,
कुन्दकुड्मलकोमलदन्तपङ्क्तिविराजितम्, चम्पकसुमननासिकाविलसितम्,
खञ्जरीटवदाचरितनेत्रद्वन्द्वोपशोभितम् ॥

सन्ततवेदान्तश्रवणमण्डितश्रोत्रद्वन्द्वविराजितम्,
आदर्शवत्परिशोभितगण्डयुग्मभासितम्, कम्बुकन्धरोल्लसत् तुलसीदामभूषितम्,
करकमलविराजमान दण्डकमण्डलुभ्याम् अलङ्कृतम्,
द्वारावतीकलित रम्यमहोर्ध्वपुण्ड्र लक्षणलक्षितवैष्णवदीक्षादक्षम्,
अरुणकिरणानुकारिकाषायवस्त्रपरिशोभित दिव्यदेहम्,
पादुकोपरिविन्यस्तपरमपावनपदपङ्कजम्, सर्वतन्त्रस्वतन्त्रम्,
श्रीश्रीराघवेन्द्रगुरुम्, भजेऽहम् भजेऽहम् भजेऽहम् भजे ॥

जय जय जय, परिव्राड्राजराजाधिराजगुरुसार्वभौम, श्रीश्रीराघवेन्द्रप्रभो ॥

पुरा खलु विधायापि शिश्रूषामनलम् बुद्धिना किल,
तत्र भवता भवता श्रीमता व्यासावतारेऽपि शिषेविषुणा,
वेङ्कटाज्ञया वेङ्कटाख्यया अवतीर्य,
तत्र प्रवचनार्चनाद्युपचर्ययापितोषयित्वापि श्रीकृष्णम् ॥

पुत्रमित्रक्षेत्रकळत्रादिकम्, तत्र
सम्सृतिपाशपतिततरणेचान्तरायरूपम्मन्यमानेन,
अधिकृत्य गार्हस्थ्यम् अङ्गीकृत्य प्रभोराज्ञाम्, तञ्जापुरे
रुधिरोद्गारिसमायाम्, तपस्येमासे, शुक्लद्वितीयायाम्,
गुरोर्वासरे स्वीकृत्य वराश्रमम्, अलङ्कृत्य कुम्भकोणम्,
निराकृत्य यादवेन्द्रम्, तिरस्कृत्य दुर्वादीन्द्रान् ॥

सुभक्तोद्धरणार्थम् प्राच्याम् काष्ठायामाशङ्खमुखम्,
अवाच्यामारामसेतु, प्रतीच्यामारजतपीठपुरम्,
उदीच्यामापौण्डरीकम्, भूषितदिगन्तरेण, ततः किल मन्त्रालयमियासुना,
मनाक् स्वमहिमामौल्येन स्वायत्तीकृतम्, म्लेच्छराजेन तत्स्वायत्तीकृतमन्त्रालये ॥

निर्विरोधेनापि विरोधिकृद्वत्सरे, शुभासापि नभोमासे, अद्वितीयेनापि कृष्णद्वितीयायाम्,
सद्वृन्दावने, सद्वृन्दावनार्थम् उष्यते, सकर्मन्दिरात् ॥

(Click HERE for Raayaru’s last speech)

कमलालपनजम्बालजपतङ्गायितश्रीमूल दिग्विजय जयरामाङ्घ्रिपाथोजनिषट्पदायितः,
यजनतोषितमन्थानदामकरकृष्णः, सल्लोकलोचनचकैरवाब्जायितः,
श्रीमत्सुधापरिमळवासित-दिङ्ग्मण्डलः, वितरणजितकर्णः, सुधीजितसुवाक्पतिस्त्वम् ॥

अनन्यगतिकम् सम्सृतिपतितम् त्वत्पादाम्बुज सेवकदासम् मत्वा व्यासम्
दोषावासम्, पालय पालय पालय भोः,
जय जय गुरुराज गुरुराज ॥

भानुवम्शाब्धिराकेन्दुधानुष्ककुलशेखरम्
सानुमद्धीरताधारम् मोनुमस्त्वाम् रघूद्वह ॥

नमदमरकिरीटपालीमिषारार्तिकालिनसच्चम्पकालीरुचिप्रौढिकेली,
सुहृद्रत्नपालीसमञ्चत्प्रवाली, यरागप्रतोलीक हीराङ्कुराली,
कदीपप्रणाली, घनोद्यत्प्रभाली, विनीराजिताली, नशोभामधूली,
भरामिश्रधूली, भृतप्रान्तनाली, सदिन्द्रास्वमौली, ऋताभानिचूली,
भवद्योमराली, गमानीलचूली, युगाङ्घ्रिद्वयालेअरलक्ष्मीकहेली,
ऋतन्यक्कुहेली, वियोगानराली, भवत्पौष्वगौली, शरीलोलुभाली,
हितास्तोकताली, भवत्चन्मनाली, लसत्फुल्लनालीकम् ॥

सुललितनवकम्बुनिन्दासमुत्थानकन्दायित-श्रीसमुन्दानहद्द्योतवृन्दावृतस्निग्ध
वृन्दारकाराम-मन्दारसम्वास-बिन्दादिपूगाग्रविन्द
सहाभानुविन्द-नशोभाभिसन्दायि-रेखात्रयन्दामभिः
स्वर्णसन्दानितैः विभ्रदण्डापिदाभम्-गलम् ॥

दास्यवृत्त्तौरविन्दाश्मतेजो-मुकुन्दापहारात्यमन्दाभदान्तच्छदम्
दादलच्चारुचन्द्रावतम्सम्, कालचाम्पेयशङ्काशनाशम्
समङ्कागतश्रुत्यलङ्कारभापुञ्ज-शङ्काञ्चिगण्डद्वयम् ॥

कामपूर्वेषु शङ्काक्षिश्रियम्, कान्तकासारशङ्काञ्चदुल्लोलशङ्काकर-भ्रूयुगम्,
कान्तकस्तूरिकाङ्कालिकार्धेन्दुकम्, कालितानाम्रपङ्कान्धकाराल्यहङ्कार-
हासाम्शुशङ्काश-सज्जन्मृगाङ्कायमन-आननम्,
काञ्चनश्रीकुटुङ्काभकोटीरशङ्का-निरत्नागदङ्कार
भानस्यदङ्काशि-मालिन्यपङ्काति-रुग्धिद्विटङ्कावलिम्,
जानकीमङ्गलापाङ्ग-कालिन्दिकासङ्गि-लावण्यगङ्गाधृतानङ्गमातङ्गम्
ईडे जगन्मङ्गलम् श्रीमूलरामदेवम् ॥

अस्ति खलु जगती, वन्दनरतिकन्दलदतिबन्धुर-
पतिमन्धुरगति-सिन्धुरधुरन्धर-सन्दोहगन्धिल-
गण्डस्थल-निष्यन्द-दमन्दमदक बन्धबन्धितेन्दिन्दिर-
सन्दोहझङ्क्रिय अलङ्क्रिय जञ्जनदहङ्क्रिय साधारणेतर-
तोरणवितर्दिकान्तर-विहरण-राराज्यमान शुकसारिकानिकर-
निजागद्यमान-सन्ततसहवास-वासनायात वेदान्त-
पातञ्जल-गौतमीय-जैमिनीय-सिद्धान्तसम्माननीयः ॥

गन्धवाहजवातिसन्धानधौरेय-गन्धर्ववरकुलव्याकुल-
पुरोदेश-सैन्धवाधीशान-विश्राणितानेक-मणिक्यगणखचित-
सिम्हासनोच्चलित-घृणिपटलकपट-पदपरिचरण-करणागत-
मनुजदृष्टिदोषावरणवरणः ॥

वन्दारुजन-वृन्दावनमन्दार-वृन्दारकवृन्द-वन्दितेन्दिरारमण-
पादारविन्दद्वन्द्व वन्दनकन्दलितानन्दतुन्डिलः
निरन्तर-निरतिशयकुशेशयनिलयजनककथासुधाधयनतेव
विहितनिरशनवुव्रतस्य, अमितकर्मन्दिसमितिविहितयमनियवाद्याचरणरतः,
यतिराजराजस्य सुरेन्द्रगुरोः ॥

करसरसीरुहसमुद्भवः, गणनातीतगम्भीरगुणसान्द्रः, कुवलयचन्द्रो,
विजयीन्द्रो नाम सम्यमीन्द्रः ॥

॥ इति श्री अप्पण्णाचार्यकृतम् श्रीराघवेन्द्र दण्डकम् सम्पूर्णम् ॥

॥ श्रीकृष्णार्पणमस्तु ॥

श्री राघवेन्द्र मङ्गळाष्टकम्

श्रीमद्रामपदारविन्दमधुपः श्रीमध्ववम्शाधिपः
सच्छिष्योडुगणोडुपः श्रितजगद्गीर्वाणसत्पादपः ।
अत्यर्थम् मनसा कृताच्युतजपः पापान्धकारातपः
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ १॥

कर्मन्दीन्द्रसुधीन्द्रसद्गुरुकराम्भोजोद्भव सन्ततम्
प्राज्यध्यानवशीकृताखिलजगद्वास्तव्यलक्ष्मीधवः ।
सच्छास्त्रादिविदूषकाखिलमृषावादीभकण्ठीरवः
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ २॥

सालङ्कारककाव्यनाटककलाकाणादपातञ्जल
त्रय्यर्थस्मृतिजैमिनीयकवितासङ्गीतपारङ्गतः ।
विप्रक्षत्रविडङ्घ्रिजातमुखरानेकप्रजासेवितः
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ ३॥

रङ्गोत्तुङ्गतरङ्गमङ्गळकरश्रीतुङ्गभद्रातट
प्रत्यस्थद्विजपुङ्गवालयलसन् मन्त्रालयाख्ये पुरे ।
नव्येन्द्रोपलनीलभव्यकरसद्बृन्दावनान्तर्गतः
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ ४॥

विद्वद्राजशिरः किरीटखचितानर्घ्योरुरत्नप्रभा
रागाघौघहपादुकद्वयचरः पद्माक्षमालाधरः ।
भास्वद्दण्डकमण्डलोज्वलकरा रक्ताम्बराडम्बरः
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ ५॥

यद्बृन्दावनसत्प्रदक्षिणनमस्काराभिषेकस्तुति
ध्यानाराधन मृद्विलेपनमुखानेकोपचारान् सदा ।
कारङ्कारमभिप्रयान्ति चतुरो लोकाः पुमर्थान् सदा
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ ६॥

वेदव्यासमुनीशमध्वयतिराट्टीकार्यवाख्यामृतम्
ज्ञात्वाद्वैतमतम् हलाहलसमम् त्यक्त्वा समाख्याप्तये ।
सङ्ख्यावत्सुखदाम् दशोपनिषदाम् व्याख्याम् समाख्यन्मुदा
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ ७॥

श्रीमद्वैष्णवलोकजालकगुरुः श्रीमत्परिव्राढ्भरुः
शास्त्रे देवगुरुः श्रितामरतरुः प्रत्यूहगोत्रस्वरुः ।
चेतोतीतशिरुस्तथा जितवरुः सत्सौख्यसम्पत्करुः
श्रीमत्सद्गुरुराघवेन्द्रयतिराट् कुर्याद्ध्रुवम् मङ्गलम् ॥ ८॥

यः सन्ध्यास्वनिशम् गुरोर्व्रतिपतेः सन्मङ्गलस्याष्टकम्
सद्यः पापहरम् स्वसेविविदुषाम् भक्त्यैव बाभाषितम् ।
भक्त्या व्यक्ति सुसम्पदम् शुभपदम् दीर्घायुरारोग्यकम्
कीर्तिम् पुत्रकळत्रबान्धवसुहृन्मूर्ति प्रयाति ध्रुवम् ॥ ९॥

॥ इति श्री अप्पण्णाचार्यकृतम् श्रीराघवेन्द्र मङ्गळाष्टकम् सम्पूर्णम् ॥

॥ श्रीकृष्णार्पणमस्तु ॥

श्री राघवेन्द्र दण्डकम् (Chanting)

सुर-कुलकलित-आनति-श्री-रमाकान्त-पदाब्ज-लोलम्ब-लीला-लसच्चित्त-योगीश्वर-श्रेष्ठ-गेयीयमान,
अति-भाव-उरु-कीर्ति-प्रभो-भासुर-आजाण्ड-वास्तव्य भूलोक-मध्य-उल्लसद्दिव्य-तुङ्गभद्रा-नदी-तीर-वास,
रमालोल-दास, गुणानाम्-निवास, जगत्-पाल-दास, सुविद्या-विलास, बुध-अन्तर्निवेश, लसत्-पण्डितेश,
लसच्छ्री-निवास ॥

ज्वलद्-रत्न-विभ्राजमान-उल्लसन्-मौलि-लेख-ऋषि-गन्धर्व-यक्ष-उरग-अधीश
कोटीर-सङ्घृष्ट-नारायण-अङ्घ्रि-द्वय-अम्भोज-भृङ्गायमान-अन्तरङ्ग-श्रिय,
राजमान, अति-साम्राज्य-भृत, मध्व-मौनीन्द्र-सच्छास्त्र-पाथोधि-चन्द्रा ॥

श्रिया-लक्षितेन्द्र, वचः-स्रस्त-तन्द्र, नमोऽस्तु क्षमेन्द्र, रसासद्-बुधेन्द्र,
वर-श्री-जयीन्द्र-उरुहस्त-अब्ज-सम्भूत विख्यात-विद्वत्-सुधीन्द्र-अब्धि-चन्द्र, गुरो राघवेन्द्र ॥

मन्त्रालय-स्थान-भद्रा-समाश्लिष्ट-तुङ्गा-तटे देव-यात्राम् नभोवासि,
कृष्ण-द्वितीयायाम् गुरोः-वासरे संसमाकल्प्य, वृन्दावन-अन्तः समुत्थाय,
नित्योत्सवैः, पक्ष-मासादि-भक्तोत्सवैः, समुपलक्षित ॥

कुष्ठ-अन्ध्य-बाधिर्य-मूकत्व-पङ्गुत्व-कुब्जत्व-वक्रत्व-नैष्पुत्र्य
वन्ध्यत्व-वैरुद्ध्य-मात्सर्य-मत्तत्व-लुब्धत्व-क्रुद्धत्व
मुख्य-अखिल-प्रौढ-दोष-उपदोषाख्य-सद्वृक्ष-कुञ्ज-अटवी-दाह
दावाग्नि-कल्प-पादारविन्द-प्रभो, स्वामिराज-प्रभो, राघवेन्द्र-प्रभो, रामचन्द्र-प्रभो ॥

एहि माम्, याहि माम्, पाहि माम्, रक्ष माम्
सर्वदा, सर्वदेशेषु, सर्वप्रकारेण, सर्वेष्ट-सिद्ध्यर्थम्,
अत्यन्त-माद्रेण चित्तेन संसेवमानम्, सदा बाल-बाल-उपमानम्,
तव श्री-पदाम्भोज-दास-अनुदासम्, जीयाद्-भवान् अस्तु मे श्रीः,
सदा नमस्ते नमस्ते वचस्ते यशस्ते शिरस्ते करस्ते नमस्ते नमः ॥
सकल-भुवन-भूषायमान-शारदेन्दु-मण्डल-देदीप्यमान-मुख-मण्डल-मण्डित-हेम-गात्रम्,
कुन्द-कुड्मल-कोमल-दन्त-पङ्क्ति-विराजितम्, चम्पक-सुमन-नासिका-विलसितम्,
खञ्जरीट-वद-आचरित-नेत्र-द्वन्द्व-उपशोभितम् ॥

सन्तत-वेदान्त-श्रवण-मण्डित-श्रोत्र-द्वन्द्व-विराजितम्,
आदर्शवत्-परिशोभित-गण्ड-युग्म-भासितम्, कम्बु-कन्धर-उल्लसत् तुलसी-दाम-भूषितम्,
कर-कमल-विराजमान दण्ड-कमण्डलुभ्याम् अलङ्कृतम्,
द्वारावती-कलित रम्य-महोर्ध्व-पुण्ड्र लक्षण-लक्षित-वैष्णव-दीक्षा-दक्षम्,
अरुण-किरण-अनुकारि-काषाय-वस्त्र-परिशोभित दिव्य-देहम्,
पादुकोपरि-विन्यस्त-परम-पावन-पद-पङ्कजम्, सर्व-तन्त्र-स्वतन्त्रम्,
श्री-श्री-राघवेन्द्र-गुरुम्, भजेऽहम् भजेऽहम् भजेऽहम् भजे ॥

जय जय जय, परिव्राड्-राज-राजाधिराज-गुरु-सार्वभौम, श्री-श्री-राघवेन्द्र-प्रभो ॥

पुरा खलु विधायापि शिश्रूषामनलम् बुद्धिना किल,
तत्र भवता भवता श्रीमता व्यास-अवतारेऽपि शिषेविषुणा,
वेङ्कट-आज्ञया वेङ्कटाख्यया अवतीर्य,
तत्र प्रवचन-अर्चना-आदि-उपचर्यया-पितोषयित्वापि श्रीकृष्णम् ॥

पुत्र-मित्र-क्षेत्र-कलत्र-आदिकम्, तत्र
संसृति-पाश-पतित-तरणे-च-अन्तराय-रूपम्-मन्यमानेन,
अधिकृत्य गार्हस्थ्यम् अङ्गीकृत्य प्रभोः-राज्ञाम्, तञ्जापुरे
रुधिर-उद्गारि-समायाम्, तपस्ये-मासे, शुक्ल-द्वितीयायाम्,
गुरोः-वासरे स्वीकृत्य वराश्रमम्, अलङ्कृत्य कुम्भकोणम्,
निराकृत्य यादवेन्द्रम्, तिरस्कृत्य दुर्वादीन्द्रान् ॥

सु-भक्त-उद्धरणार्थम् प्राच्याम् काष्ठायाम्-आशङ्ख-मुखम्,
अवाच्याम्-आराम-सेतु, प्रतीच्याम्-आरजत-पीठ-पुरम्,
उदीच्याम्-आपौण्डरीकम्, भूषित-दिगन्तरेण, ततः किल मन्त्रालयम्-इयासुना,
मनाक् स्व-महिमा-मौल्येन स्वायत्तीकृतम्, म्लेच्छ-राजेन तत्-स्वायत्तीकृत-मन्त्रालये ॥

निर्विरोधेनापि विरोधि-कृत्-वत्सरे, शुभासापि नभो-मासे, अद्वितीयेनापि कृष्ण-द्वितीयायाम्,
सद्-वृन्दावने, सद्-वृन्दावनार्थम् उष्यते, स-कर्म-न्दिरात् ॥

(Click HERE for Raayaru’s last speech)

कमल-आलपन-जम्बाल-जपतङ्गायित-श्रीमूल
दिग्विजय-जयराम-अङ्घ्रि-पाथोज-निषट्पदायितः,
यजन-तोषित-मन्थान-दामकर-कृष्णः, सल्लोक-लोचन-चकैरवाब्जायितः,
श्रीमत्-सुधा-परिमळ-वासित-दिङ्मण्डलः, वितरण-जित-कर्णः, सुधी-जित-सुवाक्पतिः-त्वम् ॥

अनन्य-गतिकम् संसृति-पतितम् त्वत्-पादाम्बुज-सेवक-दासम् मत्वा व्यासम्
दोष-आवासम्, पालय पालय पालय भोः,
जय जय गुरुराज गुरुराज ॥

भानुवंश-अब्धि-राकेन्दु-धानुष्क-कुल-शेखरम्
सानु-मद्धीरता-धारम् मोनुमस्त्वाम् रघूद्वह॥

नमद्-अमर-किरीट-पाली-मिषारार्ति-कालि-नसच्चम्पकाली-रुचि-प्रौढि-केली,
सुहृद्-रत्न-पाली-समञ्चत्-प्रवाली, यराग-प्रतोलीक-हीराङ्कुराली,
क-दीप-प्रणाली, घन-उद्यत्-प्रभाली, विनीराजिताली, न-शोभा-मधूली,
भरा-मिश्र-धूली, भृत-प्रान्त-नाली, सदिन्द्रास्व-मौली, ऋताभानि-चूली,
भवद्योम-राली, गमा-नील-चूली, युगाङ्घ्रि-द्वय-आले-अर-लक्ष्मी-कहेली,
ऋत-न्यक्कुहेली, वियोग-अनराली, भवत्-पौष्व-गौली, शरी-लोलुभाली,
हितास्तोक-ताली, भवत्चन्-मनाली, लसत्-फुल्ल-नालीकम् ॥

सुललित-नव-कम्बु-निन्दा-समुत्थान-कन्दायित-श्री-समुन्दान-हद्द्योत-वृन्दावृत-स्निग्ध
वृन्दारक-आराम-मन्दार-संवास-बिन्दादि-पूगाग्र-विन्द
सह-आभानु-विन्द-न-शोभा-अभिसन्दायि-रेखा-त्रयन्दामभिः
स्वर्ण-सन्दानितैः विभ्रदण्डापिदाभम्-गलम् ॥

दास्य-वृत्त्त-तौरविन्दाश्म-तेजः-मुकुन्द-अपहार-अत्यमन्द-अभदान्त-च्छदम्
दादलत्-चारु-चन्द्र-आवतंसम्, काल-चाम्पेय-शङ्काश-नाशम्
समङ्कागत-श्रुति-अलङ्कार-भा-पुञ्ज-शङ्काञ्चि-गण्ड-द्वयम् ॥

काम-पूर्वेषु शङ्काक्षि-श्रियम्, कान्त-कासार-शङ्काञ्च-दुल्लोल-शङ्काकर-भ्रू-युगम्,
कान्त-कस्तूरिका-अङ्कालिका-अर्धेन्दुकम्, कालित-आम्र-पङ्क-अन्धकार-आलि-अहङ्कार-
हासाम्शु-शङ्काश-सज्जन्-मृगाङ्कायमन-आननम्

काञ्चन-श्री-कुटुङ्काभ-कोटीर-शङ्का-निरत्न-आगदङ्कार
भानस्य-दङ्काशि-मालिन्य-पङ्काति-रुग्धि-द्विटङ्कावलिम्

जानकी-मङ्गल-आपाङ्ग-कालिन्दिका-सङ्गि-लावण्य-गङ्गा-धृत-अनङ्ग-मातङ्गम्
ईडे जगन्मङ्गलम् श्रीमूलरामदेवम् ॥

अस्ति खलु जगती, वन्दन-रति-कन्दल-दति-बन्धुर-
पति-मन्धुर-गति-सिन्धुर-धुरन्धर-सन्दोह-गन्धिल-
गण्ड-स्थल-निष्यन्द-दमन्द-मदक-बन्ध-बन्धित-इन्दिन्दिर-
सन्दोह-झङ्क्रिय-अलङ्क्रिय-जञ्जनदहङ्क्रिय-साधारणेतर-
तोरण-वितर्दिका-अन्तर-विहरण-राराज्यमान-शुक-सारिका-निकर-
निजागद्यमान-सन्तत-सहवास-वासना-यात-वेदान्त-
पातञ्जल-गौतमीय-जैमिनीय-सिद्धान्त-सम्माननीयः ॥

गन्धवाह-जवाति-सन्धान-धौरेय-गन्धर्व-वर-कुल-व्याकुल-
पुरोदेश-सैन्धव-अधीशान-विश्राणित-अनेक-मणिक्य-गण-खचित-
सिंहासन-उच्चलित-घृणि-पटल-कपट-पद-परिचरण-करणागत-
मनुज-दृष्टि-दोष-आवरण-वरणः ॥

वन्दारु-जन-वृन्दावन-मन्दार-वृन्दारक-वृन्द-
वन्दित-इन्दिरारमण-पादारविन्द-द्वन्द्व-
वन्दन-कन्दलित-आनन्द-तुन्डिलः

निरन्तर-निरतिशय-कुशेशय-निलय-जनक-कथा-सुधा-अध्ययन-तेव
विहित-निरशन-वुव्रतस्य, अमित-कर्मन्दि-समिति-विहित-यम-नियव-आद्य-आचरण-रतः,
यतिराज-राजस्य सुरेन्द्र-गुरोः ॥

कर-सरसीरुह-समुद्भवः, गणनातीत-गम्भीर-गुण-सान्द्रः, कुवलय-चन्द्रो,
विजयीन्द्रो नाम सम्यमीन्द्रः ॥

॥ इति श्री अप्पण्णाचार्यकृतम् श्रीराघवेन्द्र दण्डकम् सम्पूर्णम् ॥
॥ श्रीकृष्णार्पणमस्तु ॥

श्री राघवेन्द्र मङ्गळाष्टकम्

श्रीमद्-राम-पदारविन्द-मधुपः श्री-मध्व-वम्श-आधिपः
सत्-शिष्य-उडु-गण-उडुपः श्रित-जगत्-गीर्वाण-सत्-पादपः ।
अत्यर्थम् मनसा कृत-अच्युत-जपः पाप-अन्धकार-आतपः
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ १॥

कर्मन्दीन्द्र-सुधीन्द्र-सद्गुरु-कराम्भोज-उद्भव सन्ततम्
प्राज्य-ध्यान-वशीकृत-अखिल-जगत्-वास्तव्य-लक्ष्मी-धवः ।
सत्-शास्त्र-आदि-विदूषक-अखिल-मृषा-वादीभ-कण्ठीरवः
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ २॥

स-अलङ्कार-काव्य-नाटक-कला-काणाद-पातञ्जल-
त्रय्यर्थ-स्मृति-जैमिनीय-कविता-सङ्गीत-पारङ्गतः ।
विप्र-क्षत्र-विट्-अङ्घ्रि-जात-मुखर-अनेक-प्रजा-सेवितः
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ ३॥

रङ्ग-उत्तुङ्ग-तरङ्ग-मङ्गळकर-श्री-तुङ्गभद्रा-तट-
प्रत्यस्थ-द्विज-पुङ्गव-आलय-लसन् मन्त्रालय-आख्ये पुरे ।
नव्य-इन्द्र-उपल-नील-भव्य-कर-सद्-बृन्दावन-अन्तर्गतः
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ ४॥

विद्वद्-राज-शिरः-किरीट-खचित-अनर्घ्य-उरु-रत्न-प्रभा-
राग-अघ-ओघ-ह-पादुका-द्वय-चरः पद्माक्ष-मालाधरः ।
भास्वत्-दण्ड-कमण्डलु-उज्ज्वल-करः रक्ताम्बर-आडम्बरः
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ ५॥

यत्-बृन्दावन-सत्-प्रदक्षिण-नमस्कार-अभिषेक-स्तुति-
ध्यान-आराधन-मृद्-विलेपन-मुख-अनेक-उपचारान् सदा ।
कारङ्कारम् अभि-प्रयान्ति चतुरः लोकाः पुमर्थान् सदा
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ ६॥

वेदव्यास-मुनीश-मध्व-यतिराट्-टीकार्य-वाख्यामृतम्
ज्ञात्वा-अद्वैत-मतम् हलाहल-समम् त्यक्त्वा समाख्याप्तये ।
सङ्ख्यावत्-सुखदाम् दश-उपनिषदाम् व्याख्याम् समाख्यन् मुदा
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ ७॥

श्रीमद्-वैष्णव-लोक-जालक-गुरुः श्रीमत्-परिव्राढ्-भरुः
शास्त्रे देव-गुरुः श्रित-अमर-तरुः प्रत्यूह-गोत्र-स्वरुः ।
चेतः-अतीत-शिरुः तथा जित-वरुः सत्-सौख्य-सम्पत्-करुः
श्रीमत्-सद्गुरु-राघवेन्द्र-यतिराट् कुर्यात्-ध्रुवम् मङ्गलम् ॥ ८॥

यः सन्ध्यासु-अनिशम् गुरोः-व्रति-पतेः सत्-मङ्गलस्य-अष्टकम्
सद्यः पाप-हरम् स्व-सेवि-विदुषाम् भक्त्या-एव बाभाषितम् ।
भक्त्या व्यक्ति सु-सम्पदम् शुभ-पदम् दीर्घ-आयुः-आरोग्यकम्
कीर्तिम् पुत्र-कलत्र-बान्धव-सुहृत्-मूर्ति प्रयाति ध्रुवम् ॥ ९॥

॥ इति श्री अप्पण्णाचार्यकृतम् श्रीराघवेन्द्र दण्डकम् सम्पूर्णम् ॥
॥ श्रीकृष्णार्पणमस्तु ॥

/Raghunath Rao/ “Do your Best … and leave the Rest … “

(All mistakes mine – all credit to Gurus and Acharyas )

|| sarvaṁ śrī kṛṣṇārpanamastu ||